♋ .. ولدنة طفووولة .. ♋

بعض الأمور بمجرد مرور الوقت عليها نجدها غرقت في بحر الماضي

عندما تعود بي الذكريات لأجمل لقطات حياتي ............ راح أذكر مواقف الولدنة اللي فيني << ههههه كانو يسموني حامد ولد .

أتذكر إني مرة (أخواني) و(أخوالي) يلعبوا بسطحنا كورة .. وأنا جالسة أتفرج ودي ألعب >> بجد ولدنة ههههه
المهم وانا سارحة في خيالي وأمنيتي أن أسجل هدف .. ما يفوقني إلا ضربة الكورة على وجهي
حقدت على الأولاد بقوة من أول أبا ألعب وما لعبوني وكمان فوقها يشوتوا الكورة في وجهي ..
نزلت أبكي >> مو من الألم بس من الحقد  .. المهم أشتكيت على (أخوالي) عند أمهم وعلى (أخواني) عند بابا الله يرحمه .
وخربت عليهم اللعب لأنهم أتخاصموا و(ستي )خلت (أخوالي ) يسّرّوا عالبيت طبعا بعد ما سمعتهم كلمتين هههههه >> كدا أنا أرتحت هههههه شريرة ..
 
وأتذكرلما كبرت ومرّت علي فترة طويييلة ما لعبت فيها كورة مع الأولاد قالوا لي تعالي ألعبي وسمّوني كابتن رعد >> رعد مرة وحدة هههه.
المهم جات الكورة عندي وكنت حارس أصلا قالولي مرري لنا >> اللي بفريقي
وأنا من قهري إنهم حطوني حارس قلت بقلبي والله ما اعطيكم .. وشووووت بقووووة وصلت للمرمى وقوووووووووووووووول يالله عليك يارعد يا احسن حارس وهداف بالملاعب ههههههههههههههههههههههه 
وهم كاااااااي علي .. يقولوا هبلة نقولها مرّري.. تقوم  تشوت بأقوى ما عندها .. نشك إنك بنت خخخخ
انا من الضحك بطلت العب وجلست مع البنات احس اني تفشلت هههههههههه.

مرة ولد عمي الله يرحمه كان بايت عندنا وهو مسالم مررررة وهادئ أنا أنقهر هادا الولد ليش مؤدب وهادئ .. أقوم أروح ءآذيه وأسبه .. وهو يقولي ألله يهديك ..>> يقهرني بزيادة ما يحمس للمضاربة ..
اقوم اقوله مالك صلاح لا تقول الله يهديكي .. فيقول الله يسامحك >> أوف يزيد قهري أبغا أقهره وهو لسا يقولي الله يهديكي .. هههههههههه .. من جد كنت شريرة .

ومرة كنا بالسيار (جيمس) ومعفنين لأن السيارة زحمة يحطوا الصغار ورى بالشنطة .. >> إف حررر .
عاد هو بجد كان وقتها حر وكانوا الأولاد جالسين بالجلسة اللي قدامي >> عاد إيش يفكهم دحين من شري  ههههه
طفشتهم أبغا المكيف وجالسة أتضارب معاهم وبعدين باعلى صوتي أقول أصلا إنتوا الرجال كلكم تقهروا وأكرهك وأصلا ما راح أتزوج  عشان أنا ما أطيق الرجال ..>> عاد وقتها ما أسمع إلا صوت من قداااااام >>لأني كنت صغيرة كنت أشوف الجمس شي كبير واللي قدام مرررة بعيييد ..
المهم سمعت صوت من قدام يقول يااابنت أسكتي إيش هالكلام !! >> وأستوعبت إنه صوت أبوي وأستوعبت إنه من ضمن قائمة الرجال فاضطريت أسكت .هههههههه

كانت في بنت بالمدرسة كل مرة تقول إنوا أمها  تشتغل شغلة غير .. لما تزعل تقول راح أشتكي عليكم عند أمي .. أنا أمي شرطية .. ولما تجيب لوحة مرسومة تقول أمي رسمتها أنا أمي رسامة .. وكل مرة تقول شي ..
وسنة رابع هالبنت كانت تقولي أنا أبوي مدير مدرسة وتتفاخر إنوا أبوها مدير مدرسة .. خلصنا من أمها جات على أبوها
مرة أبوها جا يبا ياخذها البيت قبل الصرفة .. وبحكم إن مدرستنا كان مبناها مو حكومي كان سهل علينا إننا نخرج نشوفه على بال ما تصير إجراءآت الخروج والتوقيع .. حبيت أكشف كذب هالبنت لأني كنت أنقهر من كذبها وتفاخرها .. سألت أبوها انت مدير .. قال لا أنا مدرس ..
 قولتله (.....) >>بنته .. تقول إنك مدير .. طالع فيها وسوا حركة دااايم الأبهات يسوها وقالها مو عيب تكذبي ... هههههه توي أكتشف إني كنت قوية وحقانية . 
>> وإنتصرنااا والناصر الله  .. وإنتصرنااا والناصر الله ..

غير كدا دايم بالشارع مع أبوي يا ألعب كورة يا دراجة يا أجلس أولّع طراطيع .. ولما كبرت تطورت قومت أسوق سيارة >> بس مرة وحدة سويتها وبغا قلبي يوقف ..

فديتك والله يالمو الصغيرونة وفديت شطانتك والله  تجنني .. >> أحمدوا ربكم إني كبرت وعقلت هههههههه

تحياتي...